Minidokumentar: Rockovery – frå terapirom til scene

Rockovery skal gje brukarar av musikkterapi høve til å spele på ei profesjonell scene der dei bur. Arrangementet er eit samarbeid mellom Norsk Forening For Musikkterapi (NFMT) og lokale aktørar. Rockovery-filmen byggjer på opptak frå den fyrste «Rockovery: Bergen»-konserten i 2017,  med tittelen "Plateaktuelle artister fra musikkterapi".

Musikarane i filmen har alle erfart at musikkterapi kan vere god behandling. Dei har tatt med seg musikken ut av terapirommet og gjort han til ein kvardagsressurs. «Vi fikk spille ute og vise oss på en annen måte enn i behandling», fortel Francis McAuley frå bandet Soul Party. «Minidokumentaren» er 4 minutt lang og eignar seg godt i undervising og til informasjon om musikkterapi. Filmen er klippa av Wild Productions, støtta av Polyfon kunnskapsklynge for musikkterapi og produsert av kommunikasjonsrådgjevar Rune Rolvsjord i samarbeid med musikkterapeutane Øystein Lydvo og Hans Petter Solli. Den finst i to ulike versjonar - med og utan tekst. Versjonane har også litt ulike klipp.

Kontakt Øystein Lydvo dersom du ynskjer å få videofila tilsendt: olyd@helse-bergen.no.