Helse Bergen Avdeling for rusmedisin (AFR) søker Musikkterapeut i 100 % stilling.

Avdeling for rusmedisin (AFR) har ca 570 medarbeidarar. Avdelinga har 2 poliklinikkar, ein ambulant seksjon og fleire døgnseksjonar for både akutt- og planlagd behandling. Avdelinga er i ein spennande utvikling knytta til aukande differensiering av tenester for avhengigheitslidingar, fagleg integrasjon med Psykisk helsevern m.a ved geografisk deling av poliklinikktenestene. Dette vil bidra til utvikling av tettare samhandling med DPSer og kommunale tenester. Avdelinga har eigen forskingseksjon med mange spennande prosjekt.

Poliklinikken held til i moderne lokale i Bergen Sentrum (Murhjørnet). I poliklinikken er det tilsett psykologar med ulike spesialitetar. Overlegar, sosionomar, sjuke- og vernepleiar. Til saman er det ca 45 årsverk knytta til poliklinikken.

Poliklinikken er organisert i tverrfaglege team, og det er godt lagt til rette for samarbeid og drøftingar i dei enkelte pasientforløp. Det er regelmessig internundervising, faste fag- og forskingsdagar og avdelinga legg og til rette for både individuell vidareutdanning og felles kompetanseheving.

Musikkterapeuten som vert tilsett vil arbeide saman med andre behandlarar i terapitilbodet til pasientane, vidare hhv arbeide 1 dag på seksjon Tertnes og Askøy med pasientar i døgnbehandling.

Søkjarar med annan musikkbakgrunn, eventuelt kobla til helseutdanning, enn musikkterapi kan kome i betraktning.