ÅRSSTUDIUM I MUSIKKTERAPI VED GRIEGAKADEMIET
ÅRSSTUDIUM I MUSIKKTERAPI VED GRIEGAKADEMIET, INSTITUTT FOR MUSIKK, UNIVERSITETET I BERGEN
Fagleg innhald
Opptak til årsstudium gir studierett i eitt år ved fulltidsstudium (60 studiepoeng).
Årsstudiet gir ei innføring i faget musikkterapi og feltet musikk og helse, og er første trinn i musikkterapistudiet, samstundes som det også er ei sjølvstendig årseining. Studiet skal utvikle din teoretiske, musikalske og praktisk-metodiske kunnskap, og setje deg i stand til å bruke musikk i helserelatert arbeid. Ressursorienterte arbeidsmåtar knytt til livskvalitet og livskvalifisering står sentralt, der ei forståing av korleis musikkarbeidet kan inngå i kulturelle og sosiale nettverk som støttar opp om brukarmedverknad, sjølvforvalting og inkludering er vektlagde. Utdanninga skal kvalifisere deg til å samarbeide med anna fagpersonale og med brukarar, foreldre og føresette. Studiet skal vidare hjelpe deg til å utvikle evna til å gi kjensler, tankar og opplevingar form gjennom kreativt arbeid og det skal gi deg høve til å gjere nye erfaringar i høve til relasjon, kommunikasjon og sosialt samspel.
Årsstudium i musikkterapi er eit studium for deg med interesse for å kombinere musikk og arbeid med menneske. Musikkterapi som fag er relatert til helsefremjande arbeid like mye som tradisjonell terapi, og knytast opp mot eit tverrfagleg teorigrunnlag.
Oppbygging
Årsstudiet i musikkterapi startar i haustsemesteret, går over to semester og inneheld følgjande emne:
EmneStudiepoeng (sp)Semester MUTP 101: Innføring i musikkterapi15 spHaust, går over eitt eller to semesterEit valemne 15 spHaust eller vår, går over to semesterMUTP 201: Pedagogisk musikkterapi15 spHaustMUTP 202: Samfunnsmusikkterapi15 spVårI tillegg kjem 120 timar praksis
Yrkesvegar
Studiet dannar grunnlag for opptak til mastergradsstudiet i musikkterapi, som gir yrkeskompetanse som musikkterapeut.
Vidare studium
Årsstudiet i musikkterapi kan inngå i ein bachelorgrad. Kontakt lærestaden for den bachelorgraden du eventuelt planlegg å ta. Som del av ein bachelorgrad vil årsstudium i musikkterapi gjere deg kvalifisert til å søke opptak til masterprogram i musikkterapi. Årsstudium i musikkterapi vil då i praksis utgjere først året i eit treårig studieløp i musikkterapi.
Krav til forkunnskapar
Alternativ b: minimum 30 sp musikk og minimum 15 sp psykologi. Kravet til forkunnskapar i psykologi kan dekkjast på ulike måtar, f.eks. gjennom psykologikomponentar i pedagogikkfaget i ei lærar-/ førskuleutdanning eller av psykologiemne i ei sjukepleie-, vernepleie-, barnevernspedagog- eller sosionomutdanning.
Opptak skjer etter ei heilskapleg vurdering av søkjaren. Opptaksprøve for alle søkjarar. For meir informasjon om opptaksprøver og repertoarkrav, sjå studere.uib.no/musikk
Antall studieplassar: 10
Søknadsprosedyre
Du søkjer direkte til UiB via SøknadsWeb.
Søknadsfristen er 15. april.
Meir informasjon
Ønskjer du å vite meir, sjå informasjon på studere.uib.no/musikk eller ta kontakt med studierettleiar!
studierettleiar@grieg.uib.no / 55 58 69 50 / 55 58 93 70